‘‘முதலமைச்சராக இருந்த போதே ஜெயலலிதா சிறை செல்ல யார் காரணம்? அந்தப் பாவமெல்லாம் உங்களைச் சும்மா விடாது” என்று டிடிவி. தினகரனுக்கு எதிர்கட்சித் துணைத் தலைவர் ஆர்.பி.உதயகுமார் கேள்வி எழுப்பி உள்ளார்.
தினகரனுக்கு பதிலடி கொடுக்கும் விதமாக நேற்று மதுரையில் செய்தியாளர்களைச் சந்தித்த எதிர்க்கட்சி துணைத் தலைவர் ஆர்.பி.உதயகுமார் கூறியதாவது: இன்றைக்கு, ஆளும் மக்கள் விரோத திமுக அரசை பற்றி எதுவும் பேசாமல், தினந்தோறும் பத்திரிகையாளர்களைச் சந்தித்து தினகரன் ஏதேதோ கூறி வருகிறார். அவர் என்ன சொல்கிறார் என்று நாட்டு மக்களுக்கும் புரியவில்லை; அவருக்கும் புரியவில்லை.
