ராஜ்கிர்: ஆடவர் ஆசிய கோப்பை ஹாக்கி தொடர் பிஹார் மாநிலம் ராஜ்கிரில் இன்று (29-ம் தேதி) தொடங்குகிறது. செப்டம்பர் 7-ம் தேதி வரை நடைபெறும் இந்தத் தொடரில் 8 அணிகள் கலந்து கொள்கின்றன.
இந்தத் தொடரில் சாம்பியன் பட்டம் வெல்லும் அணி வரும் 2026-ம் ஆண்டு ஆகஸ்டில் பெல்ஜியம் மற்றும் நெதர்லாந்தில் நடைபெறும் உலகக் கோப்பை ஹாக்கி தொடருக்கு நேரடியாக தகுதி பெறும். இதனால் ஆசிய கோப்பை ஹாக்கி தொடர் முக்கியத்துவம் வாய்ந்ததாக அமைந்துள்ளது. இந்த தொடரில் ‘ஏ’ பிரிவில் இடம் பெற்றுள்ள 3 முறை சாம்பியனான இந்திய அணி தனது முதல் ஆட்டத்தில் இன்று தரவரிசையில் 23-வது இடத்தில் உள்ள சீனாவுடன் மோதுகிறது. இந்த ஆட்டம் பிற்பகல் 3 மணிக்கு நடைபெறுகிறது.
