புதுடெல்லி: உத்தரப்பிரதேசத்தில் இடைத்தேர்தல் நடந்த தொகுதிகளில் பாஜக நான்கிலும், சமாஜ்வாதி கட்சி இரண்டு இடத்திலும் முன்னிலை வகிக்கின்றன. பிஹாரில் இரண்டு தொகுதிகளில் ஆளும் என்டிஏ கூட்டணி முன்னிலையில் உள்ளன. பஞ்சாப்பில் ஆம் ஆத்மி 3 தொகுதிகளிலும், காங்கிரஸ் 1 இடத்திலும் முன்னிலையில் உள்ளன.
நாடு முழுவதும் 14 மாநிலங்களை சேர்ந்த 48 சட்டப்பேரவைத் தொகுதிகளில் இடைத்தேர்தல் நடத்தப்பட்டது. அதன்படி, உத்தர பிரதேசத்தில் 9, ராஜஸ்தானில் 7, மேற்குவங்கத்தில் 6, அசாமில் 5, பிஹார், பஞ்சாபில் தலா 4, கர்நாடகாவில் 3, கேரளா, மத்திய பிரதேசம், சிக்கிமில் தலா 2 தொகுதிகள், குஜராத், உத்தராகண்ட், மேகாலயா, சத்தீஸ்கரில் தலா ஒரு சட்டப்பேரவைத் தொகுதிக்கான வாக்கு எண்ணிக்கை நடைபெற்று வருகிறது.
