1999-ல் சச்சின் தலைமையில் ஆஸ்திரேலியா சென்று அங்கு 0-3 என்று ஒயிட் வாஷ் வாங்கி வந்து பிறகு இங்கு தென் ஆப்பிரிக்காவிற்கு எதிராக குழிப் பிட்சைக் கேட்டு வாங்கி சாதாரண ஸ்பின்னர் நிக்கி போயேவிடம் மடிந்து தென் ஆப்பிரிக்காவிடம் 0-2 என்று உதை வாங்கி, அதன் பிறகான ஒருநாள் தொடர் மேட்ச் பிக்சிங் சூதாட்ட பங்கமாகி இந்திய அணியே நிலைகுலைந்த தருணத்தில்தான் கங்குலி கேப்டன் ஆனார்.
2000-ல் கங்குலி கேப்டனாக நியமிக்கப்பட, டெஸ்ட் கிரிக்கெட்டில் 5 போட்டிகளில் தோல்வி கண்ட இந்திய அணி 2001-ல் ஸ்டீவ் வாஹ் தலைமையில் வலுவான ஆஸ்திரேலிய அணியை எதிர்கொண்டு முதல் டெஸ்ட் போட்டியில் ஆஸ்திரேலியா வென்று அதிக டெஸ்ட் போட்டிகளை தொடர்ச்சியாக வெல்லும் சாதனை விளிம்பில் ஆஸ்திரேலியா அணி கொல்கத்தா வந்தது.
