கன்னோஜ்: உத்தப் பிரதேச மாநிலத்தின் கன்னவுஜ் ரயில் நிலையத்தில் கட்டுமான பணி நடந்து வந்த கட்டிடம் ஒன்றின் கூரை இடிந்து விழுந்த விபத்தில் 23 பேர் மீட்கப்பட்டுள்ளனர். மேலும், சுமார் 25 பேர் இடிபாடுகளில் சிக்கியிருக்கலாம் என அஞ்சப்படுவதாக அதிகாரிகள் தெரிவித்தனர்.
விபத்து நடந்த இடத்தில் மாநில பேரிடர் மீட்பு படைக் குழு உட்பட காவல் துறை மற்றும் மீட்பு குழுவினர், சிக்கியிருப்பவர்களை மீட்கும் பணிகளில் ஈடுபட்டு வருகின்றனர். விபத்து சம்பவம் குறித்து தகவல் கிடைத்ததும் மேலும் தகவல் அறிந்து கொள்வதற்காக மூத்த அதிகாரிகளுடன் அங்கு சென்று மாவட்ட ஆட்சியர் சுப்ராந்த் குமார் சுக்லா ஆய்வு செய்தார்.
