தேனி: தேனி மாவட்டம் கம்பம் அருகே இருசக்கர வாகனத்தில் பதுங்கி இருந்த பாம்பு கடித்து இளைஞர் பரிதாபமாக உயிரிழந்தார். கம்பம் அருகே உள்ள சுருளிப்பட்டி கிராமத்தை சேர்ந்தவர் ஹரிகிருஷ்ணன் (21). இவர் கல்லூரி படிப்பை பாதியில் நிறுத்திவிட்டு எலட்ரிக் வேலை செய்து வந்துள்ளார். ஐவரும் அவரது நண்பர் ராம் குமாரும் நேற்று இருசக்கர வாகனத்தில் அம்பூர் நோக்கி வந்து கொண்டிருந்தனர். அப்போது இருசக்கர வாகனத்தின் முகப்பு பகுதியிலிருந்து பாம்பு வெளியே வந்துள்ளது. ராம் குமார் வாகனத்தை ஓட்டி செல்லும் நிலையில் ஹரிகிருஷ்ணன் பின் புறம் அமர்ந்துள்ளார்.
பாம்பு ராம் குமார் மீது ஏறிய நிலையில் அவர் அதை தள்ளி விட்டுள்ளார். அது ஹரிகிருஷ்ணன் மீது விழுந்து அவரை கடித்ததாக அவரது நண்பர் தெரிவித்தார். உடனடியாக ஹரிகிருஷ்ணன் கம்பம் அரசு மருத்துவமனையில் அனுமதிக்கப்பட்டு அவருக்கு முதலுதவி சிகிச்சை அளிக்கப்பட்ட நிலையில் தேனி அரசு மருத்துவமனைக்கு அனுப்பிவைத்த நிலையில் அவரை பரிசோதித்த மருத்துவர்கள் அவர் இறந்துவிட்டதாக தகவல் தெரிவித்தனர். இச்சம்பவம் குறித்து ராயப்பட்டி போலீசார் வழக்குபதிவு செய்து விசாரணை மேற்கொண்டு வருகின்றனர்.
The post கம்பம் அருகே இருசக்கர வாகனத்தில் புகுந்த பாம்பு கடித்து இளைஞர் பலி..!! appeared first on Dinakaran.
