சென்னை: மைசூரிலிருந்து சென்னைக்கு வந்த சதாப்தி விரைவு ரயிலில் பயணி தவறவிட்ட 9 பவுன் நகை அடங்கிய கைப்பையை உரியவரிடம் ரயில்வே போலீஸார் ஒப்படைத்தனர். இதை ஒப்படைக்க உதவிய, தூய்மைப் பணியாளரின் நேர்மையை ரயில்வே போலீஸார் பாராட்டினர்.
மைசூரிலிருந்து சென்னை சென்ட்ரல் ரயில் நிலையத்தின் 1-வது நடைமேடைக்கு சதாப்தி விரைவு ரயில் கடந்த 29-ம் தேதி இரவு வந்தது. இதிலிருந்த பயணிகள் இறங்கிச் சென்ற பிறகு, பெட்டிகளை சுத்தம் செய்யும் பணியில் பணியாளர்கள் ஈடுபட்டனர். அப்போது, அந்த ரயிலில் இ-1 பெட்டியில் இருக்கை எண் 1-ல் சிறிய கைப்பை இருந்ததை தூய்மைப் பணியாளர் கார்த்திக் என்பவர் கண்டார்.
