பிரிட்டன் தலைநகர் லண்டனில் தனது முதல் சிம்பொனி இசைக்கோவையை அரங்கேற்றியிருப்பதன் மூலம், தமிழ்நாட்டுக்கு மட்டுமல்லாமல் ஒட்டுமொத்த தேசத்துக்கும் பெருமை சேர்த்திருக்கிறார் இசையமைப்பாளர் இளையராஜா. புகழ்பெற்ற ராயல் பில்ஹார்மானிக் ஆர்கெஸ்ட்ரா இசைக் குழு, ஓர் இந்தியரின் முழு சிம்பொனியை இசைத்தது இதுவே முதல் முறை என்பது இந்த இசைச் சாதனைக்கு இன்னொரு இனிய ஸ்வரத்தைச் சேர்த்திருக்கிறது.
1976இல் ‘அன்னக்கிளி’ திரைப்படம் மூலம் இசையமைப்பாளராக அறிமுகமான இளையராஜா, திரையிசையில் புகுத்திய புதுமைகள், நிகழ்த்திய சாதனைகள் தென்னிந்தியா முழுவதும் அறியப்பட்டவைதான்.
