சிவகாசியில் உள்ள அச்சகங்களில் 2025-ம் ஆண்டுக்கான காலண்டர் உற்பத்தி பணிகள் மும்முரமாக நடைபெற்று வருகின்றன.
சிவகாசி சுற்றுவட்டாரப் பகுதிகளில் பட்டாசு தொழிலுக்கு அடுத்தபடியாக அச்சகத் தொழில் பிரதானமாக உள்ளது. சிவகாசி பகுதிகளில் உள்ள 800-க்கும் மேற்பட்ட அச்சகங்களில் சீசன் அடிப்படையில் நோட்டுப் புத்தகங்கள், டைரிகள், காலண்டர்கள், வணிக நிறுவனங்களுக்கு தேவையான பில் புக், பேக்கிங் அட்டைகள், அழைப்பிதழ்கள், துண்டுப் பிரசுரங்கள் ஆகியவை அச்சடிக்கப்பட்டு வருகின்றன.
