புதுடெல்லி: உத்தரப் பிரதேசத்தின் சம்பலைப் போன்றே, பதான்யூ மசூதி மீதும் ஒரு வழக்கு தொடரப்பட்டுள்ளது. சிவன் கோயில் மீது இந்த மசூதி கட்டப்பட்டதாகக் கூறி, இந்து மகா சபாவினரின் தொடர்ந்த வழக்கு டிசம்பர் 10-ம் தேதி விசாரணைக்கு வரும் என எதிர்பார்க்கப்படுகிறது.
சுல்தான்கள் ஆட்சியிலிருந்த டெல்லியின் கீழ் பதான்யூ அமைந்திருந்தது. சுல்தான் வம்சத்தின் மன்னரான குத்புதீன் ஐபக்குக்குப் பின் அவரது மருமகனான ஷம்ஸி இல்துமிஷ் என்பவர் டெல்லியை ஆட்சி செய்தார். அப்போது வட மாநில பகுதிகளில் முஸ்லிம்களுக்கான மசூதி அதிகம் இல்லை. இதனால், தற்போதைய உத்தரப் பிரதேசத்தின் பதான்யூவில் ஒரு பிரம்மாண்டமான ஜாமா மசூதியை 1225-ல் கட்டியிருந்தார். ஒரே சமயத்தில் 23,500 பேர் தொழுகை நடத்தும் வகையில் கட்டப்படிருந்த அந்த மசூதி, ஷம்ஸி ஜாமா மசூதி என அழைக்கப்படுகிறது. நாட்டின் மூன்றாவது பழமையான இந்த ஷம்ஸி ஜாமா மசூதி, இந்திய பொல்பொருள் ஆயவகப் பராமரிப்பின் கீழ் உள்ளது.
