தருமபுரி: தருமபுரி மாவட்டம் அரூர் பகுதிகளில் பலத்த மழை பெய்துள்ளது. இதன் காரணமாக பல்வேறு கிராமங்களில் போக்குவரத்து துண்டிக்கப்பட்டுள்ளது. அதோடு, 1,000 ஏக்கரில் பயிரிடப்பட்ட மரவள்ளி கிழங்கு மழை நீரில் மூழ்கியது. இதனால் விவசாயிகள் கவலையடைந்துள்ளனர்.
தருமபுரி மாவட்டம் அரூர் பகுதிகளில் ஃபெஞ்சல் புயல் காரணமாக நேற்று 300 மில்லி மீட்டருக்கு மேல் மழை பெய்தது. இதனால் அரூர் மற்றும் அதனை சுற்றியுள்ள மலைப்பகுதிகளை சுற்றி வெள்ளம் பெருக்கெடுத்து ஓடுகிறது. பல்வேறு கிராமங்களில் பொதுமக்கள் வெளியேற முடியாத சூழல் ஏற்பட்டுள்ளது.
