நெல்லை: நெல்லை மாவட்டம் வள்ளியூர் அருகே எல்லை பாதுகாப்புப் படை வீரரின் வீட்டை உடைத்து உரிமம் பெற்ற துப்பாக்கி மற்றும் 25 தோட்டாக்களை மர்ம நபர்கள் கொள்ளையடித்தது தொடர்பாக போலீசார் விசாரணை மேற்கொண்டுள்ளனர். வள்ளியூர் அருகே உள்ள சமூகரெங்கபுரத்தை சேர்ந்தவர் அழகு. இவர் அமிர்தசரஸில் இந்திய எல்லை பாதுகாப்பு படையில் பணியாற்றி வருகிறார். இவர் தமது உரிமம் பெற்ற துப்பாக்கி மற்றும் 25 துப்பாக்கி குண்டுகளை சமூகரெங்கபுரத்தில் உள்ள தனது பெற்றோர் வீட்டில் வைத்துவிட்டு சென்றுள்ளார்.
இந்நிலையில், வெளியில் சென்ற நேரத்தில் கதவை உடைத்து உள்ளே புகுந்த மர்ம நபர்கள் துப்பாக்கி மற்றும் அதற்கு உண்டான 25 குண்டுகளையும் கொள்ளையடித்து சென்றுள்ளனர். கடந்த அக்டோபர் மாதம் 9ம் தேதி விடுமுறைக்காக பெற்றோர் ஊருக்கு வந்த அழகு, நவம்பர் 9ம் தேதி பணிக்காக மீண்டும் அமிர்தசரஸ் சென்று இருப்பது விசாரணையில் தெரியவந்துள்ளது. இந்நிலையில், பெற்றோர் இல்லாத நேரத்தில் வீட்டை உடைத்து துப்பாக்கி மற்றும் 25 தோட்டாக்கள் கொள்ளையடிக்கப்பட்டது தொடர்பாக ராதாபுரம் போலீசார் வழக்குப்பதிவு செய்து விசாரணை மேற்கொண்டு வருகின்றனர்.
The post திருநெல்வேலியில் பாதுகாப்புப் படை வீரரின் வீட்டில் துப்பாக்கிக் கொள்ளை: ராதாபுரம் போலீசார் வழக்குப்பதிவு செய்து விசாரணை appeared first on Dinakaran.
