சென்னை: ஒரு அரசு அதிகாரிக்கும் அரசியல்வாதிக்கும் இடையே நடக்கும் யுத்தம் தான் இந்த கதை. இந்த படத்தில் எனக்கு பிடித்ததே அதன் வேகம் தான் என்று ‘கேம் சேஞ்சர்’ குறித்து இயக்குநர் ஷங்கர் தெரிவித்துள்ளார்.
இதுகுறித்து பேட்டி ஒன்றில் அவர் கூறியதாவது: “எனக்கு ‘தில்’, ‘தூள்’, ‘கில்லி’ போன்ற மாஸ் மசாலா படங்கள் மிகவும் பிடிக்கும். அது போல நாமளும் ஒரு படம் பண்ண வேண்டும் என்று மனதில் நீண்டநாட்களாக ஓடிக் கொண்டே இருந்தது. ‘கேம் சேஞ்சர்’ கதையில் அதற்கான வாய்ப்பு இருந்தது. ஒரு அரசு அதிகாரிக்கும், அரசியல்வாதிக்கும் இடையே நடக்கும் யுத்தம் தான் இந்த கதை. இந்த படத்தில் எனக்கு பிடித்ததே அதன் வேகம் தான். அருமையாக எடிட் செய்யப்பட்டுள்ள ஒரு படம்.
