ஜோகன்னஸ்பர்க்: தென் ஆப்பிரிக்க அணிக்கு எதிரான கடைசி மற்றும் 3-வது ஒருநாள் கிரிக்கெட் போட்டியில் டக்வொர்த் லீவிஸ் விதிப்படி 36 ரன்கள் வித்தியாசத்தில் வெற்றி பெற்ற பாகிஸ்தான் அணி தொடரை 3-0 என முழுமையாக கைப்பற்றி கோப்பையை வென்றது.
ஜோகன்னஸ்பர்க்கில் நேற்றுமுன்தினம் இரவு நடைபெற்ற இந்த ஆட்டம் மழை காரணமாக 47 ஓவர்களை கொண்ட போட்டியாக நடத்தப்பட்டது. முதலில் பேட் செய்த பாகிஸ்தான் அணி 47 ஓவர்களில் 9 விக்கெட்கள் இழப்புக்கு 308 ரன்கள் குவித்தது. அதிகபட்சமாக தொடக்க வீரரான சைம் அயூப் 94 பந்துகளில், 2 சிக்ஸர்கள், 13 பவுண்டரிகளுடன் 101 ரன்கள் விளாசினார். இது அவருக்கு 3-வது சதமாக அமைந்தது.
