சென்னை: தான் நாடாளுமன்ற உறுப்பினர் ஆகலாம் என நினைப்பதாக முன்னாள் ஆஸ்திரேலிய கிரிக்கெட் வீரர் டேவிட் வார்னர் எக்ஸ் தளத்தில் தெரிவித்துள்ளார். அது குறித்து ரசிகர்கள் தங்கள் கருத்துகளை தெரிவித்து வருகின்றனர்.
38 வயதான டேவிட் வார்னர், சர்வதேச கிரிக்கெட்டில் இருந்து கடந்த ஆண்டு ஓய்வு பெற்றார். இருப்பினும் உலக நாடுகளில் நடைபெறும் ஃப்ரான்சைஸ் டி20 கிரிக்கெட்டில் விளையாடி வருகிறார். பிக் பேஷ் லீகில் சிட்னி தண்டர்ஸ், பாகிஸ்தான் சூப்பர் லீகில் கராச்சி கிங்ஸ் போன்ற அணிகளில் தற்போது அவர் இடம்பெற்றுள்ளார்.
