வாஷிங்டன்: அமெரிக்காவில் இறக்குமதியாகும் பொருட்களுக்கு சம்பந்தப்பட்ட நாடுகள் விதிக்கும் அதே அளவில் அதிபர் ட்ரம்ப் (பரஸ்பர வரி) வரி விதித்தார். இந்த உத்தரவை எதிர்த்து நியூயார்க்கில் உள்ள சர்வதேச வர்த்தக நீதிமன்றத்தில் வழக்கு தொடரப்பட்டது.
இதை விசாரித்த நீதிமன்றம், ட்ரம்பின் உத்தரவு சட்டவிரோதமானது என்று கடந்த மே மாதம் அறிவித்தது. இதை எதிர்த்து மேல் முறையீட்டு நீதிமன்றத்தில் மனு தாக்கல் செய்யப்பட்டது. இதை விசாரித்த நீதிமன்றம், சர்வதேச வர்த்தக நீதிமன்றம் பிறப்பித்த உத்தரவு சரிதான் என கடந்த ஆகஸ்ட் 29-ம் தேதி தீர்ப்பு வழங்கியது.
