விதிகளை மதிக்காமல் பாலாற்றை மாசுபடுத்தும் தோல் தொழிற்சாலை அதிபர்களை திஹார் சிறைக்கு அனுப்ப நேரிடும் என உச்ச நீதிமன்ற நீதிபதிகள் எச்சரித்துள்ளனர்.
வேலூர், ஆம்பூர், வாணியம்பாடி பகுதிகளில் பாலாற்றில் கலக்கும் தோல் தொழிற்சாலை கழிவுகளால் சுற்றுச்சூழலுக்கு பாதிப்பு ஏற்படுவதுடன், ஆற்று நீரில் வெள்ளை நிறத்தில் நுரை பொங்கி வருவதால், பொதுமக்கள், விவசாயிகள் மற்றும் கால்நடைகளுக்கும் கடும் பாதிப்பு ஏற்படுகிறது. எனவே, பாலாற்றில் கழிவுகள் கலப்பதை தடுக்கவும், பாதிக்கப்பட்டவர்களுக்கு உரிய இழப்பீடு பெற்றுத் தரக்கோரியும் வேலூர் மாவட்ட சுற்றுச்சூழல் கண்காணிப்பு குழு சார்பில் உச்ச நீதிமன்றத்தில் வழக்கு தொடரப்பட்டது.
