புதுடெல்லி: “வயநாட்டில் உள்ள எனது குடும்பத்தினர் பிரியங்கா காந்தி மீது வைத்துள்ள நம்பிக்கையால் பெருமையடைகிறேன்” என்று மக்களவை எதிர்க்கட்சித் தலைவர் ராகுல் காந்தி தெரிவித்துள்ளார். தனது சகோதரியும், வயநாடு இடைத்தேர்தல் காங்கிரஸ் வேட்பாளருமான பிரியங்கா காந்தியின் மகத்தான வெற்றியைத் தொடர்ந்து அவர் இவ்வாறு நெகிழந்துள்ளார்.
கேரளா வயநாடு மக்களவைத் தொகுதி காங்கிரஸ் வேட்பாளர் பிரியங்கா காந்தி தனது முதல் தேர்தலில் பல எதிர்பார்ப்புகளை மீறி 4,10,931 வாக்குகள் வித்தியாசத்தில் வெற்றி பெற்றுள்ளார். இந்தநிலையில் சகோதரியின் வெற்றி குறித்து மக்களவை எதிர்க்கட்சித் தலைவரும், முன்னாள் வயநாடு எம்.பி.யுமான ராகுல்காந்தி நெகிழ்ச்சி பதிவொன்றை தனது எக்ஸ் பக்கத்தில் வெளியிட்டுள்ளார்.
