புதுக்கோட்டையில் படுகொலை செய்யப்பட்ட சமூக ஆர்வலர் ஜகபர் அலியின் உடலைத் தோண்டியெடுத்து, எக்ஸ்ரே எடுக்கவ வேண்டும் என்று உயர் நீதிமன்றம் உத்தரவிட்டுள்ளது.
புதுக்கோட்டை மாவட்டம் வெங்கலுரைச் சேர்ந்த மரியம் என்பவர், உயர் நீதிமன்ற மதுரை அமர்வில் தாக்கல் செய்த மனுவில் கூறியிருப்பதாவது: எனது கணவர் ஜகபர் அலி. சுற்றுச்சூழல் ஆர்வலரான அவர், சட்டவிரோதக் குவாரிகளுக்கு எதிராகப் போராடியதால் லாரி ஏற்றி படுகொலை செய்யப்பட்டார். அவரது உடல் கடந்த 18-ம் தேதி பிரேதப் பரிசோதனை செய்யப்பட்டது.
