மும்பை: மகாராஷ்டிராவின் புதிய முதல்வர் இன்று தேர்வு செய்யப்படுவார் என்று ஏக்நாத் ஷிண்டே தெரிவித்துள்ளார்.
மகாராஷ்டிர சட்டப்பேரவை தேர்தலில் பாஜக, ஷிண்டேவின் சிவசேனா அணி, அஜித் பவாரின் தேசியவாத காங்கிரஸ் அணி அடங்கிய மகாயுதி கூட்டணி அமோக வெற்றி பெற்றது. தற்போது மகாராஷ்டிர முதல்வராக ஏக்நாத் ஷிண்டே, துணை முதல்வர்களாக தேவேந்திர பட்னாவிஸ், அஜித் பவார் பதவி வகிக்கின்றனர். இந்த சூழலில், புதிய முதல்வராக தேவேந்திர பட்னாவிஸை நியமிக்க பாஜக தலைமை முடிவு செய்துள்ளதாக கூறப்படுகிறது. இதற்கு ஷிண்டே தரப்பு ஆட்சேபம் தெரிவித்ததால் புதிய அரசு பதவியேற்பதில் சிக்கல் நீடித்து வந்தது.
