மதுபானங்கள் கூடுதல் விலைக்கு விற்கப்படுவதை தடுக்கும் வகையில் தமிழகம் முழுவதும் மதுபான விற்பனை டிஜிட்டல் மயமாக்கப்பட்டு, வரும் மார்ச் முதல் ‘க்யூ-ஆர் கோடு’ முறை அமல்படுத்தப்படும் என உயர் நீதிமன்றத்தில் டாஸ்மாக் நிர்வாகம் தெரிவித்துள்ளது.
மதுபான கடைகளில் மதுபானங்களை கூடுதல் விலைக்கு விற்றால் சம்பந்தப்பட்ட கடையில் பணியாற்றும் அனைத்து ஊழியர்களும் கூண்டோடு பணியிடை நீக்கம் செய்யப்படுவர் என டாஸ்மாக் நிர்வாகம் கடந்த ஆண்டு அக்டோபரில் சுற்றறிக்கை பிறப்பித்தது. இதை எதிர்த்து தமிழ்நாடு டாஸ்மாக் மதுபான விற்பனையாளர்கள் நலச் சங்கம் சார்பில் சென்னை உயர் நீதிமன்றத்தில் வழக்கு தொடரப்பட்டது.
