மாமல்லபுரத்தை அடுத்த வடநெம்மேலி பாம்பு பண்ணைக்கு கண்ணாடி விரியன், நல்லபாம்பு பிடிக்க 10 மாதங்களுக்கு பிறகு மத்திய வனத்துறை அனுமதி வழங்கியுள்ளது. இதையடுத்து, மேற்கண்ட 2 வகைகளை சேர்ந்த பாம்புகளை பிடிக்கும் பணியில் உரிமம் பெற்ற பழங்குடி இருளர் மக்கள் ஈடுபட்டுள்ளனர்.
செங்கல்பட்டு மாவட்டம் மாமல்லபுரத்தை அடுத்த வடநெம்மேலி கிராமத்தில் கிழக்கு கடற்கரை சாலையையொட்டி தமிழக அரசின் இருளர் பாம்பு பிடிப்போர் தொழில் கூட்டுறவு சங்கம் இயங்கி வருகிறது. இதன் ஒருபகுதியில் பாம்பு பண்ணை அமைந்துள்ளது. மேற்கண்ட சங்கத்தில் பாம்பு பிடிக்கும் உரிமம் பெற்ற 343 பேர் உட்பட 423 பேர் உறுப்பினர்களாக உள்ளனர். இவர்கள், வனத்துறையினர் அனுமதிபெற்று பாம்பு பிடித்து பண்ணைக்கு கொண்டு வந்து வழங்குவர். பாம்பின் வகைக்கு ஏற்ப அவர்களுக்கு கூலி வழங்கப்படும்.
