புதுடெல்லி: ராஜஸ்தானின் அஜ்மீர் நகரில் முஸ்லிம்களின் புகழ்பெற்ற காஜா அஜ்மீர் ஷெரீப் தர்கா உள்ளது. இது மத்திய சிறுபான்மையினர் நல அமைச்சகத்தின் கீழ் பராமரிக்கப்பட்டு வருகிறது. இதனால், ஒவ்வொரு வருடமும் தர்காவின் உருஸ் விழாவுக்கு பிரதமர் மற்றும் எதிர்க்கட்சித் தலைவர்கள் புனித பூப்போர்வை அனுப்பி வைப்பது வழக்கம்.
இந்தவகையில் அஜ்மீர் தர்காவில் டிசம்பர் 28-ல் நிகழும் உருஸ் விழாவுக்கு பிரதமர் மோடி சார்பில் புனித பூப்போர்வை அனுப்பி வைக்கப்பட உள்ளது. இதை பிரதமர் சார்பில் சிறுபான்மையினர் நல அமைச்சர் கிரண் ரிஜிஜு நேரில் கொண்டு சென்று போர்த்த உள்ளார்.
