சென்னை: ராமநாதபுரம், சிவகங்கை நீதிமன்றங்களில் நிலுவையில் உள்ள அமைச்சர் ராஜகண்ணப்பனுக்கு எதிரான வழக்குகளின் விசாரணைக்கு தடை விதிக்க சென்னை என உயர் நீதிமன்றம் மறுப்பு தெரிவித்துள்ளது.
கடந்த 2021-ல் நடைபெற்ற சட்டப்பேரவைத் தேர்தலின்போது அமைச்சர் ராஜகண்ணப்பன் ராமநாதபுரம் மாவட்டம் முதுகுளத்தூர் தொகுதியில் திமுக வேட்பாளராக போட்டியிட்டார். 2021 மார்ச் 27 அன்று கருங்குளம், கோழிபத்தி கிராமங்களில் பிரசாரம் மேற்கொண்டபோது தேர்தல் விதிமுறைகளை மீறி திமுக கொடி கம்பங்களையும், தோரணங்களையும் கட்டி பிரசாரம் செய்ததாக பேரையூர் போலீஸார் வழக்குப்பதிவு செய்திருந்தனர். இந்த வழக்கு விசாரணை ராமநாதபுரம் மாவட்ட முதன்மை அமர்வு நீதிமன்றத்தில் நிலுவையில் இருந்து வருகிறது.
