நாக்பூர்: அரசியல் என்பது திருப்தியற்ற ஆன்மாக்களின் கடல்; அங்கு ஒவ்வொரு நபரும் தற்போதைய பதவியை விட உயர்ந்த பதவிக்காக ஆசைப்படுகிறார்கள் என்று மத்திய அமைச்சர் நிதின் கட்கரி தெரிவித்துள்ளார்.
நாக்பூரில் ஞாயிற்றுக்கிழமை நடைபெற்ற '50 கோல்டன் ரூல்ஸ் ஆஃப் லைஃப்' என்ற புத்தகத்தின் வெளியீட்டு விழாவில் உரையாற்றிய மத்திய சாலை போக்குவரத்துத் துறை அமைச்சர் நிதின் கட்கரி, "அரசியல் என்பது திருப்தி அற்ற ஆன்மாக்களின் கடல். இங்கே ஒவ்வொருவரும் சோகமாக இருக்கிறார்கள். கவுன்சிலராக இருக்கக் கூடியவருக்கு எம்எல்ஏ-வாக ஆக முடியவில்லையே என்ற வருத்தம் இருக்கிறது. எம்எல்ஏ ஆன ஒருவருக்கு அமைச்சர் ஆக முடியவில்லையே என வருத்தம் இருக்கிறது. அமைச்சரான ஒருவருக்கு நல்ல துறைகள் கிடைக்கவில்லையே என்ற வருத்தம் அல்லது முதல்வராக முடியவில்லையே என்ற வருத்தம் இருக்கிறது. முதல்வராக இருப்பவரும், மேலிடம் எப்போது பதவி விலகச் சொல்லுமோ என்ற பதற்றத்தில் இருக்கிறார்.
