பிரிஸ்பன்: சர்வதேச கிரிக்கெட்டில் இருந்து ஓய்வு பெற்றுள்ள அஸ்வினின் அயலக செயல்பாடு குறைத்து மதிப்பிடப்பட்டுள்ளதாக இந்திய கிரிக்கெட் வீரர் புஜாரா கருத்து தெரிவித்துள்ளார்.
ஆஸ்திரேலியாவில் சுற்றுப்பயணம் மேற்கொண்டு ஐந்து போட்டிகள் கொண்ட டெஸ்ட் தொடரில் இந்திய கிரிக்கெட் அணி விளையாடி வருகிறது. இந்த தொடருக்கான இந்திய அணியில் அஸ்வின் இடம்பெற்றிருந்தார். இத்தொடரின் முதல் மூன்று போட்டிகள் நடந்து முடிந்துள்ளது. இதில் இரண்டாவது போட்டியில் மட்டுமே ஆடும் லெவனில் அஸ்வின் வாய்ப்பு பெற்றார். இந்நிலையில், தொடரின் பாதியிலேயே அவர் ஓய்வு பெற்றுள்ளார். அதில் தனக்கு எந்தவித வருத்தமும் இல்லை என அஸ்வின் தெளிவுபடுத்தியுள்ளார்.
