ராஜ்கிர்: ஆசிய கோப்பை ஆடவர் ஹாக்கியில் இந்திய அணி தனது முதல் ஆட்டத்தில் 4-3 என்ற கோல் கணக்கில் சீனாவை வீழ்த்தியது. கேப்டன் ஹர்மன்பிரீத் ஹாட்ரிக் கோல் அடித்தார்.
பிஹார் மாநிலம் ராஜ்கிர் பகுதியில் நடைபெற்று வரும் இந்தத் தொடரில் தொடக்க நாளான நேற்று ‘ஏ’ பிரிவில் உள்ள இந்திய அணி தனது முதல் லீக் ஆட்டத்தில் சீனாவுடன் மோதியது. இதில் இந்திய அணி 4-3 என்ற கோல் கணக்கில் வெற்றி பெற்றது. இந்திய அணி சார்பில் கேப்டன் ஹர்மன்பிரீத் 20, 33 மற்றும் 47-வது நிமிடங்களில் கிடைத்த பெனால்டி கார்னர் வாய்ப்புகளை கோல்களாக மாற்றினார்.
