அமராவதி: ஆந்திராவில் தெலுங்கு தேசம் கட்சி தேர்தல் அறிக்கையில் கூறியபடி பெண்களுக்கான இலவச அரசு பேருந்து பயண திட்டம் ‘ஸ்ரீ சக்தி’ எனும் பெயரில் வரும் ஆகஸ்ட் 15-ம் தேதி முதல் அமல்படுத்தப்பட உள்ளது. இதற்கான நிபந்தனைகள் நேற்று வெளியானது.
இதன்படி, பல்ல வெலுகு, (நகர்ப்புறங்களில் இருந்து கிராமங்களுக்கு இயக்கும் பேருந்து) அல்ட்ரா பல்ல வெலுகு, நகர பேருந்துகள், மெட்ரோ எக்ஸ்பிரஸ் மற்றும் எக்ஸ்பிரஸ் ஆகிய 5 பிரிவுகளின் கீழ் இயக்கப்படும் அரசு பேருந்துகளில் பெண்கள் இலவசமாக பயணம் செய்யலாம். ஆனால், திருமலை-திருப்பதி இடையே இயக்கப்படும் சப்தகிரி எக்ஸ்பிரஸ் அரசு பேருந்துகளில் இந்த திட்டம் செல்லாது.
