புதுடெல்லி: மாசுபாடு, குடிமை வசதிகள் மற்றும் சட்டம் ஒழுங்கு போன்ற பல்வேறு பிரச்சினைகளில் நிறைவேற்றப்படாத வாக்குறுதிகள், தவறான நிர்வாகம் தொடர்பாக ஆம் ஆத்மி, பாரதிய ஜனதா கட்சிகளை குறிவைத்து 12 அம்ச வெள்ளையறிக்கையை காங்கிரஸ் கட்சி புதன்கிழமை வெளியிட்டுள்ளது.
டெல்லியில் செய்தியாளர்களைச் சந்தித்த காங்கிரஸ் கட்சியின் பொருளாளர் அஜய் மக்கான், இரு கட்சிகளுக்கும் எதிராக‘மவுக்கா மவுக்கா, ஹர் பார் தோக்கா’ என்ற வெள்ளையறிக்கையை வெளியிட்டார். தொடர்ந்து பேசிய அவர், "டெல்லியின் முன்னாள் முதல்வர் அரவிந்த் கேஜ்ரிவால் குறித்து ஒரு வர்த்தையில் சொல்லவேண்டுமென்றால், ஃபர்சிவால். நாடு முழுவதும் மோசடி மன்னன் ஒருவர் உண்டென்றால் அது அரவிந்த் கேஜ்ரிவால் தான். அதனால் தான் கேஜ்ரிவால் மீதும் மத்திய அரசின் மீதும் வெள்ளையறிக்கையுடன் வந்திருக்கிறோம்.
