மெல்பர்ன்: ஆஸ்திரேலிய ஓபன் கிராண்ட்ஸ்லாம் டென்னிஸ் போட்டியின் ஆடவர் ஒற்றையர் பிரிவு 3-வது சுற்றுக்கு ஸ்பெயின் வீரர் கார்லோஸ் அல்கராஸ், செர்பியா வீரர் நோவக் ஜோகோவிச் தகுதி பெற்றுள்ளனர்.
ஆஸ்திரேலிய ஓபன் கிராண்ட்ஸ்லாம் டென்னிஸ் போட்டிகள் ஆஸ்திரேலியாவின் மெல்பர்ன் நகரில் நடைபெற்று வருகின்றன. இந்நிலையில் நேற்று நடைபெற்ற ஆடவர் ஒற்றையர் 2-வது சுற்று ஆட்டத்தில் கார்லோஸ் அல்கராஸும், ஜப்பான் வீரர் யோஷிஹிடோ நிஷியோகாவும் மோதினர். இதில் போட்டித் தரவரிசையில் 3-வது இடத்தில் உள்ள அல்கராஸ் 6-0, 6-1, 6-4 என்ற நேர் செட்களில் நிஷியோகாவை எளிதாக வென்று 3-வது சுற்றுக்கு முன்னேறினார்.
