புதுடெல்லி: “கேஜ்ரிவாலை அவதூறாகப் பேசிய அஜய் மக்கான் மீது 24 மணி நேரத்துக்குள் நடவடிக்கை எடுக்காவிட்டால், காங்கிரஸ் கட்சியை இண்டியா கூட்டணியில் இருந்து வெளியேற்றுமாறு கூட்டணியின் பிற கட்சிகளிடம் வலியுறுத்துவோம்” என்று ஆம் ஆத்மி மாநிலங்களவை எம்.பி. சஞ்சய் சிங் தெரிவித்துள்ளார். இதனால் அரசியல் வட்டாரத்தில் சலசலப்பு ஏற்பட்டுள்ளது.
சர்ச்சையின் பின்னணி: காங்கிரஸ் கட்சியின் மூத்த தலைவரான அஜய் மக்கான், “கேஜ்ரிவாலின் ஆம் ஆத்மி கட்சி ஜன் லோக்பால் போராட்டத்தின் மூலம் டெல்லியில் ஆட்சி அமைத்தது. ஆனால், ஜன் லோக்பால் அமைக்க தவறிவிட்டது. பஞ்சாபில் கூட ஜன் லோக்பால் அமைக்கப்படவில்லை. டெலியில் ஒருவேளை துணைநிலை ஆளுநர் முட்டுக்கட்டை போட்டிருந்தால் பஞ்சாபில் அமல்படுத்தியிருக்கலாமே. 10 ஆண்டுகளுக்கு முன் கொடுத்த வாக்குறுதியை அவர்களே மறந்துவிட்டார்கள்.
