புதுடெல்லி: டெல்லியிலுள்ள இந்தியா கேட் பெயரை பாரத் மாதா துவார் என மாற்றும்படி கோரிக்கை எழுந்துள்ளது. இதற்காக, பிரதமர் நரேந்திரமோடிக்கு பாஜகவின் சிறுபான்மை பிரிவு தலைவரான ஜமால் சித்திக்கீ கடிதம் எழுதியுள்ளார்.
ஒவ்வொரு ஆண்டும் ஜனவரி 26 வரும் குடியரசு தினத்தன்று, கர்தவ்யா பாதையில் அணிவகுப்பு நடத்தப்படுகிறது. இதில் முப்படைகளின் தளபதிகள் அணிவகுப்பு நடத்துகிறார்கள். இந்த ஊர்வலத்தில், நாட்டின் பல்வேறு மாநிலங்களில் இருந்து பல்வேறு வகையான கலாச்சார நிகழ்ச்சிகளும் இடம் பெறுகின்றன. இவ்வேளையில், அந்த ஊர்வலம் நடைபெறும் இந்தியா கேட்டின் பெயரை மாற்றுமாறு கோரிக்கை எழுந்துள்ளது.
