சென்னை: இரும்பின் அறிமுகம் மனித நாகரிகத்தின் மிக முக்கியத் தொழில்நுட்பம் ஆகும் என முதலமைச்சர் மு.க.ஸ்டாலின் தெரிவித்துள்ளார். 5,300 ஆண்டுகளுக்கு முன்பே தமிழ் நிலப்பரப்பில் இருந்து தான் இரும்பின் காலம் தொடங்கியது என்ற மாபெரும் மானுடவியல் ஆய்வு பிரகடனத்தை முதலமைச்சர் மு.க.ஸ்டாலின் அறிவித்துள்ளார். இது தொடர்பாக முதல்வர் மு.க.ஸ்டாலின் எக்ஸ் பதிவில் கூறியதாவது; இரும்பின் அறிமுகம் மனித நாகரிகத்தின் மிக முக்கியத் தொழில்நுட்பம் ஆகும்! காட்டினை நாடாக்கவும், வேளாண் வளர்ச்சி பெருகவும், சமூக உருவாக்கத்துக்கும் அடிப்படையாய் அமைந்தது இரும்பு!
“இரும்புசெய் கொல்லன் வெவ்வுலைத்
தெளித்த தோய்மடல் சில்நீர் போல” என நற்றிணை உள்ளிட்ட சங்க இலக்கியங்கள் யாவும் குறிப்பிடும் இரும்பின் பயன்பாடு 5,300 ஆண்டுகள் பழமையானது! அதன் காலம் தமிழ் நிலத்தில் இருந்தே தொடங்கியது எனும் ஆய்வுப் பிரகடனத்தை மட்டற்ற மகிழ்ச்சியோடு உலகுக்கு அறிவித்தேன்!. இவ்வாறு அவர் தெரிவித்துள்ளார்.
The post இரும்பின் அறிமுகம் மனித நாகரிகத்தின் மிக முக்கியத் தொழில்நுட்பம்: முதலமைச்சர் மு.க.ஸ்டாலின் பெருமிதம் appeared first on Dinakaran.
