புதுடெல்லி: இந்திய விண்வெளி ஆராய்ச்சி நிறுவனத்தின் 100-வது ராக்கெட் செலுத்தப்பட்டது மற்றொரு மைல்கல் மட்டுமல்லாமல், இந்தியாவின் விண்வெளி பயணத்தில் மிகப் பெரிய சாதனை என்று மத்திய விண்வெளித் துறை இணையமைச்சர் ஜிதேந்திர சிங் தெரிவித்துள்ளார்.
இந்திய விண்வெளி ஆராய்ச்சி நிறுவனத்தின் 100-வது ராக்கெட், ஸ்ரீஹரிகோட்டாவில் இருந்து இன்று காலை செலுத்தப்பட்டது. இது குறித்து தனது கருத்தைத் தெரிவித்துள்ள ஜிதேந்திர சிங், "ஜி.எஸ்.எல்.வி-எஃப் 15 / என்.வி.எஸ் -02 மிஷன் செலுத்தப்பட்டது மற்றொரு மைல்கல் மட்டுமல்ல; இது இந்திய விண்வெளி பயணத்தில் மிகப்பெரிய சாதனை. ஒன்றன் பின் ஒன்றாக இஸ்ரோவால் பதிவு செய்யப்பட்ட அசாதாரண சாதனைகளால் உலகமே வியக்கும் இதுபோன்ற முக்கியமான தருணத்தில் விண்வெளித் துறையுடன் இணைந்திருப்பது எனக்கு கிடைத்த பெருமை.
