சென்னை: கோவை மாவட்டம், ஈச்சனாரி அருள்மிகு விநாயகர் திருக்கோயில் உள்ளிட்ட5 திருக்கோயில்களில் நாள் முழுவதும் பிரசாதம் வழங்கும் திட்டத்தை இந்து சமய அறநிலையத்துறை அமைச்சர் பி.கே.சேகர்பாபு தொடங்கி வைத்தார்.
இது குறித்து இந்து சமய அறநிலையத்துறை வெளியிட்டிருக்கும் அறிக்கையில், “இந்து சமய அறநிலையத்துறை அமைச்சர் பி.கே.சேகர்பாபு, இன்று(டிச. 20) கோவை மாவட்டம், ஈச்சனாரி, அருள்மிகு விநாயகர் திருக்கோயிலில் சட்டமன்ற அறிவிப்பினை நிறைவேற்றிடும் வகையில் பக்தர்களுக்கு நாள் முழுவதும் பிரசாதம் வழங்கும் திட்டத்தினை தொடங்கி வைத்தார்.
