மதுரை: “ஈரோடு கிழக்கு சட்டமன்ற தொகுதி இடைத்தேர்தலில் திமுக தலைமையிலான கூட்டணி வெற்றி பெறும். இதற்கு விடுதலைச் சிறுத்தைகள் கட்சி தீவிரமாக தேர்தல் பணி ஆற்றும்.” என்று மதுரையில் விசிக தலைவர் தொல். திருமாவளவன் கூறியுள்ளார்.
மதுரை மேலூர் பகுதியில் டங்ஸ்டன் சுரங்க திட்டத்தை கைவிட வலியுறுத்தி அனைத்து அரசியல் கட்சிகளும், பொதுமக்களும் தொடர் போராட்டத்தில் ஈடுபடுகின்றனர். இதன் தொடர்ச்சியாக விடுதலைச் சிறுத்தைகள் கட்சி சார்பில், மேலூரில் நடந்த கண்டன ஆர்ப்பாட்டத்தில் பங்கேற்க தொல். திருமாவளவன் எம்பி இன்று (ஜன.10) சென்னையில் இருந்து மதுரை வந்தார்.
