புபனேஸ்வர்: பருவநிலை மாற்றம் தொடர்பான பிரச்சினைகள் வேளாண் உற்பத்தியை பாதித்து வரும் நிலையில், இதுபோன்ற பிரச்சினைகளுக்கு தீர்வு காண வேண்டிய முக்கிய பொறுப்பு வேளாண் விஞ்ஞானிகளுக்கு உள்ளது என்று குடியரசுத் தலைவர் திரவுபதி முர்மு தெரிவித்துள்ளார்.
ஒடிசா மாநிலம் புவனேஸ்வரில் உள்ள ஒடிசா வேளாண் மற்றும் தொழில்நுட்ப பல்கலைக்கழகத்தின் பட்டமளிப்பு விழாவில் குடியரசுத் தலைவர் திரவுபதி முர்மு இன்று (டிச. 5) கலந்து கொண்டார். நிகழ்ச்சியில் பேசிய குடியரசுத் தலைவர், "பட்டம் பெறும் நாளானது மாணவர்களின் பிரகாசமான எதிர்காலத்திற்கான பாதைக்கு வழிவகுக்கிறது. உலக சூழலில் தங்கள் அறிவு மற்றும் திறன்கள் கடுமையான சோதனைகளை எதிர்கொள்ள நேரிடும் என்பதை மாணவர்கள் அறிந்திருக்க வேண்டும்.
