புதுடெல்லி: இந்துஸ்தான் ஏரோனாட்டிக்ஸ் நிறுவனத்திடமிருந்து ரூ.62,000 கோடி மதிப்பில் 97 தேஜஸ் மார்க் 1ஏ ரக போர் விமானங்களை வாங்க மத்திய அரசு இறுதி ஒப்புதல் அளித்துள்ளது. விமானப்படையில் உள்ள பழைய மிக் -21 ரக போர் விமானங்களுக்கு மாற்றாக உள்நாட்டு தயாரிப்பான தேஜஸ் இலகு ரக போர் விமானங்கள் சேர்க்கப்படுகின்றன.
விமானப்படையில் ஏற்கெனவே 40 தேஜஸ் போர் விமானங்கள் சேர்க்கப்பட்டு வருகின்றன. அதன்பின்பு ரூ.48,000 கோடி மதிப்பில் 83 தேஜஸ் மார்க் 1ஏ ரக விமானங்களை வாங்க மத்திய அரசு ஆர்டர் கொடுத்தது. இந்த விமானங்களுக்கான இன்ஜினை வழங்குவதில், அமெரிக்கா தாமதம் செய்ததால், இதன் விநியோகம் குறித்த நேரத்தில் நடைபெறவில்லை.
