காரைக்கால்: “நாடாளுமன்றத்துக்குள் பாஜக எம்.பிக்களுக்கு பாதுகாப்பு இல்லாத சூழ்நிலையை எதிர்க்கட்சிகள் ஏற்படுத்துவது தவறானது. அப்படிப்பட்ட போக்கை கடைபிடிக்கக் கூடாது ” என்று முன்னாள் எம்எல்ஏ விஜயதாரணி கூறியுள்ளார்.
காரைக்கால் மாவட்ட நீதி மன்றத்தில், வழக்கு ஒன்றில் வழக்கறிஞராக ஆஜராகி வாதிடுவதற்காக இன்று (டிச.20) நீதிமன்றத்துக்கு வந்த அவர் செய்தியாளர்களிடம் கூறியதாவது: அம்பேத்கரின் பணிகளை இந்த உலகம் அங்கீகரித்திருக்கிறது, நிச்சயமாக அதில் மாற்றுக்கருத்து இல்லை. மத்திய உள்துறை அமைச்சர் அமித் ஷா அம்பேத்கரை உயர்த்திப் பேசியுள்ளார் என்பதே உண்மை. காங்கிரஸ் கட்சி ஏன் அம்பேத்கரை உயர்ந்த இடத்தில் வைக்கவில்லை?, ஏன் உரிய மரியாதையை தரவில்லை? என்ற கேள்வியைத்தான் அமைச்சர் அமித் ஷாவும், பாஜக தேசிய தலைவர் ஜே.பி.நட்டாவும் எழுப்பியிருக்கின்றனர்.
