சென்னை: “என் ரசிகர்கள் யாரும் சண்டை போடாதீர்கள். வாழ்க்கை ரொம்ப சின்னது, மகிழ்ச்சியாக இருங்கள். உங்கள் குடும்பத்தைப் பார்த்துக் கொள்ளுங்கள்” என்று அஜித் கூறியுள்ளார்.
இதுதொடர்பாக நடிகர் அஜித்தின் மேலாளர் சுரேஷ் சந்திரா தனது எக்ஸ் தளத்தில் வீடியோ ஒன்றை பகிர்ந்துள்ளார். அதில், அஜித் பேசுகையில், “ரொம்ப சந்தோஷமாக இருக்கிறது. வாழ்க்கை முழுவதும் மோட்டார் பந்தயங்கள் என்னுடைய ஆர்வமாக இருந்து வருகிறது. நிறைய ரசிகர்கள் நேரில் வந்திருந்தது, உணர்வுப்பூர்வமாக இருந்தது. அதேநேரம் நான் சொல்லவேண்டிய விஷயம் இதுதான். நீங்கள் அனைவரும் சந்தோஷமாக, ஆரோக்கியத்துடன், மன நிம்மதியுடன் வாழ நான் கடவுளிடம் வேண்டிக் கொள்கிறேன்.
