‘டாடா’ பட இயக்குநர் கணேஷ் கே பாபு இயக்கத்தில் நடிகர் ரவி மோகன் நடித்து வரும் படத்துக்கு ‘கராத்தே பாபு’ என தலைப்பு வைத்துள்ளது படக்குழு. இந்த தலைப்பை அறிவிக்கும் விதமாக வீடியோ ஒன்றையும் படக்குழு வெளியிட்டுள்ளது. அது கவனம் ஈர்க்கும் வகையில் உள்ளது.
ரவி மோகன் நடிப்பில் பொங்கலுக்கு ‘காதலிக்க நேரமில்லை’ படம் வெளியாகி இருந்தது. இந்த நிலையில் அவர் தனது 34-வது படத்தில் நடித்து வந்தார். இந்தப் படத்தை ‘டாடா’ இயக்குநர் கணேஷ் கே பாபு இயக்கி வருகிறார். சாம் சி.எஸ் இசையமைக்கிறார். ‘மேயாத மான்’, ‘ஆடை’ பட இயக்குநர் ரத்னகுமார் மற்றும் பாக்கியம் குமார் இந்த படத்தின் கதையை இயக்குநருடன் இணைந்து எழுதி உள்ளனர்.
