புதுடெல்லி / பெங்களூரு: எச்.எம்.பி.வி (hMPV) எனப்படும் ஹியூமன் மெட்டாநியூமோ வைரஸ் தொற்று காரணமாக கர்நாடகாவில் இரண்டு பேர் பாதிக்கப்பட்டுள்ளதை இந்திய மருத்துவ ஆராய்ச்சி குழுமம் (ஐ.சி.எம்.ஆர்) கண்டறிந்துள்ளது.
நாடு முழுவதும் சுவாசப் பாதிப்பு நோய்களைக் கண்காணிப்பதற்கான ஐ.சி.எம்.ஆரின் தற்போதைய முயற்சிகளின் ஒரு பகுதியாக, பல சுவாச வைரஸ் நோய்க் கிருமிகளுக்காக மேற்கொள்ளப்படும் வழக்கமான கண்காணிப்பு மூலம் பாதிக்கப்பட்ட இரண்டு பேர் அடையாளம் காணப்பட்டனர் என்று மத்திய சுகாதாரத் துறை அமைச்சகம் தெரிவித்துள்ளது.
