சென்னை: 30-வது சப்-ஜூனியர் நெட்பால் சாம்பியன்ஷிப் போட்டி சென்னை அடுத்த கவரைப்பேட்டையில் உள்ள ஆர்எம்கே உண்டு உறைவிட பள்ளியில் வரும் 28-ம் தேதி முதல் 31-ம் தேதி வரை நடைபெறுகிறது. இதில் தமிழகம் உட்பட 27 மாநிலங்களை சேர்ந்த 54 அணிகள் கலந்து கொள்கின்றன.
சிறுவர் பிரிவில் 27 அணிகளும், சிறுமிகள் பிரிவில் 27 அணிகளும் பங்கேற்று விளையாட உள்ளன. இரு பிரிவிலும் முதல் 3 இடங்களை பிடிக்கும் அணிகளுக்கு கோப்பைகள், பதக்கங்கள், சான்றிதழ்கள் வழங்கப்பட உள்ளன. இந்த போட்டியை இந்திய நெட்பால் கூட்டமைப்பின் ஆதரவுடன் தமிழ்நாடு அமெச்சூர் நெட்பால் சங்கம் மற்றும் ஆர்எம்கே பள்ளி இணைந்து நடத்துகின்றன.
