மெல்பர்ன்: நடப்பு ஆஸ்திரேலிய ஓபன் ஆடவர் ஒற்றையர் அரை இறுதி ஆட்டத்தின் போது காயம் காரணமாக விலகினார் நோவக் ஜோகோவிச். இதனால் இறுதிப் போட்டிக்கு முன்னேறியுள்ளார் ஜெர்மனியின் அலெக்ஸாண்டர் ஸ்வெரேவ்.
இந்த ஆட்டம் தொடங்குவதற்கு முன்பாக 37 வயதான செர்பியாவின் ஜோகோவிச், இடது காலில் டேப்புகளை ஒட்டிக் கொண்டு களம் கண்டார். கால் இறுதிப் போட்டியில் அல்கராஸ் உடன் விளையாடிய போது அவர் காயமடைந்தார்.
