சட்டப்பேரவையில் நேற்று பால்வளத்துறை மானிய கோரிக்கை மீதான விவாதத்துக்கு பதில் அளித்து, அமைச்சர் ராஜகண்ணப்பன் புதிய அறிவிப்புகளை வெளியிட்டார். அது வருமாறு:
* பாலில் கலப்படத்தை கண்டறிய ரூ.6.45 கோடி மதிப்பீட்டில் 129 நவீன அகச்சிவப்பு பகுப்பாய்வு கருவிகள் வழங்கப்படும்.
* பால் மற்றும் பால் உபபொருட்களின் விற்பனையை அதிகரிக்க ரூ.10 கோடி மதிப்பீட்டில் 500 ஆவின் பாலகங்கள் புதிதாக தொடங்கப்படும்.
* ரூ.2000 கோடி கால்நடை பராமரிப்பு கடன் கூட்டுறவு சங்கங்களில் பால் வழங்கும் உறுப்பினர்களுக்கு வழங்கப்படும்.
* 14 மாவட்ட ஒன்றியங்களில் ரூ.2.40 கோடி மதிப்பீட்டில் 30 தொகுப்பு பால் குளிர்விப்பான்கள் புதுப்பிக்கப்படும்.
* தரமான பால் கொள்முதல் செய்ய ரூ.1.50 கோடியில் தேவையான பால் பரிசோதனை உபகரணங்கள் 165 பால் தொகுப்பு குளிர்விப்பு மையங்களுக்கு வழங்கப்படும்.
* மாதவரத்தில் உள்ள மாநில மைய ஆய்வகம் ரூ.2.23 கோடி மதிப்பீட்டில் கூடுதல் உபகரணங்களுடன் மேம்படுத்தப்படும்.
* 525 தொடக்க பால் உற்பத்தியாளர்கள் கூட்டுறவு சங்கங்கள் ரூ.2.63 கோடி மதிப்பீட்டில் கணினி மயமாக்கப்படும்.
* விழுப்புரம், வேலூர், மாதவரம் ஆகிய இடங்களில் உள்ள பயிற்சி நிலையங்களில் ரூ.2.38 கோடி மதிப்பீட்டில் கூடுதல் உட்கட்டமைப்பு வசதிகள் உருவாக்கப்படும்.
* உம்பளச்சேரி இன பசுமாடுகளின் மரபணு மற்றும் உற்பத்தி திறனை மேம்படுத்தும் நோக்கில் ரூ.1.94 கோடி செலவில் தேசிய பால் பதிவு திட்டம் செயல்படுத்தப்படும்.
* கறவை மாடுகள் கன்று ஈனும் இடைவெளியை குறைப்பதற்காக ரூ.1.73 கோடி மதிப்பீட்டில் 2000 மலடு நீக்க சிகிச்சை மற்றும் சினை பரிசோதனை முகாம்கள் நடத்தப்படும்.
* தேசிய பால்வள ஆராய்ச்சி நிறுவனம் மற்றும் உணவு தொழில்நுட்ப கல்வி நிறுவனங்களுடன் இணைந்து புதிய வகை மதிப்பு கூட்டப்பட்ட பால் பொருட்கள் தயாரித்து விற்பனை செய்யப்படும்.
* தொடக்க பால் உற்பத்தியாளர்கள் கூட்டுறவு சங்கங்கள் பல்வகை சேவை மையங்களாக உருவாக்கப்படும்.
The post கூட்டுறவு சங்கங்களில் பால் வழங்கும் உறுப்பினர்களுக்கு ரூ.2,000 கோடி கால்நடை பராமரிப்பு கடன்: அமைச்சர் ராஜகண்ணப்பன் appeared first on Dinakaran.
