ஹைதராபாத்: புஷ்பா 2 திரைப்படத்தின் பிரீமியர் திரையிடலின் போது கூட்ட நெரிசலில் சிக்கி பெண் உயிரிழந்த வழக்கில் குற்றஞ்சாட்டப்பட்டுள்ள தெலுங்கு நடிகர் அல்லு அர்ஜுன் இன்று (வெள்ளிக்கிழமை) விசாரணை நீதிமன்றத்தில் காணொலி வாயிலாக ஆஜரானார்.
பெண் உயிரிழந்த வழக்கில் 11-வது குற்றவாளியாக சேர்க்கப்பட்டுள்ள அல்லு அர்ஜுன் விசாரணை நீதிமன்றத்தில் வழக்கமான ஜாமீன் மனு தாக்கல் செய்துள்ளார். இந்த வழக்கு திங்கள்கிழமை (டிசம்பர் 30) விசாரணைக்கு வரக்கூடும்.
