கொல்கத்தா: ஆர்.ஜி.கர் மருத்துவக் கல்லூரி கொலைக் குற்றவாளி சஞ்சய் ராய்க்கு விதிக்கப்பட்ட ஆயுள் தண்டனையை எதிர்த்து கொல்கத்தா உயர் நீதிமன்றத்தில், மேற்கு வங்க அரசு செய்திருக்கும் மேல்முறையீட்டுக்கு மத்திய புலனாய்வு முகமை (சிபிஐ) எதிர்ப்புத் தெரிவித்துள்ளது. இந்நிலையில், மாநில அரசின் கோரிக்கையை ஏற்பதா, வேண்டாமா என்பதை முடிவு செய்வதற்கு முன்பு, சிபிஐ, சஞ்சய் ராய் மற்றும் பாதிக்கப்பட்ட குடும்பத்தினரின் பதில்கள் கேட்ட பின்பு முடிவு செய்யப்படும் என்று நீதிமன்றம் தெரிவித்துள்ளது.
கடந்த ஆண்டு ஆர்.ஜி. கர் மருத்துவக்கல்லூரி மருத்துவமனை பயிற்சி மருத்துவர் பாலியல் துன்புறுத்தலுக்கு உள்ளாக்கப்பட்டு கொலை செய்யப்பட்ட வழக்கில் சஞ்சய் ராய் குற்றவாளி என்று தீர்ப்பளிக்கப்பட்டது.
