மதுரை: புதுக்கோட்டையில் கொலை செய்யப்பட்ட சமூக ஆர்வலர் ஜகபர் அலியின் உடலை எக்ஸ்ரே எடுக்க உயர் நீதிமன்றம் உத்தரவிட்டுள்ளது. அப்போது ஊடகங்களை அனுமதிக்கவும், செல்போனில் படம் பிடிக்கவும் தடை விதிக்கப்பட்டுள்ளது.
புதுக்கோட்டை மாவட்டம் வெங்கலுரைச் சேர்ந்த மரியம், உயர் நீதிமன்ற மதுரை அமர்வில் தாக்கல் செய்த மனுவில், “என் கணவர் ஜகபர் அலி. சுற்றுச்சூழல் ஆர்வலர். புதுக்கோட்டை மாவட்டம் திருமயம் தாலுகாவில் நடைபெற்று வந்த சட்டவிரோத குவாரிகளுக்கு எதிராக தொடர்ச்சியாக போராடி வந்தார். சட்டவிரோத குவாரிகளால் அரசுக்கு ரூ.840 கோடி இழப்பு ஏற்பட்டதையும் வெளியே கொண்டு வந்தார்.
