மும்பை: பாலிவுட் நடிகர் சயீப் அலி கானை கத்தியால் குத்திய வழக்கில் கைது செய்யப்பட்ட 30 வயதான வங்கதேசத்தைச் சேர்ந்தவரை 14 நாட்கள் நீதிமன்ற காவலில் வைக்க நீதிமன்றம் உத்தரவிட்டுள்ளது. கைது செய்யப்பட்டவரின் போலீஸ் காவலை நீட்டிக்க புதிய காரணங்கள் எதுவும் இல்லாததால் 14 நாட்கள் நீதிமன்ற காவலில் வைக்க நீதிமன்றம் இன்று (புதன்கிழமை) உத்தரவிட்டது.
சயீப் அலி கான் தாக்குதல் வழக்கில் கைது செய்யப்பட்ட வங்கதேசத்தைச் சேர்ந்த முகம்மது ஷரிஃபுல் இஸ்லாம் என்பவரின் போலீஸ் காவல் புதன்கிழமை நிறைவடைந்த நிலையில் போலீஸார் அவரை பாந்த்ரா நீதிமன்றத்தில் ஆஜர்படுத்தினர். அப்போது, ஷரிஃபுல்லிடம் கூடுதல் விசாரணைக்காக அவரின் போலீஸ் காவலை இரண்டு நாட்கள் நீட்டிக்க கோரிக்கை விடுத்தனர்.
