சென்னை மெட்ரோ ரயில் சேவை சென்னையின் போக்குவரத்து தேவையை சமாளிக்க அளப்பரிய பங்காற்றி வருகிறது. கடந்த மார்ச் மாதத்தில் மட்டும் 92 லட்சம் பயணிகள் மெட்ரோ ரயிலில் பயணம் செய்திருப்பதை வைத்தே, அதன் முக்கியத்துவத்தை உணர முடியும்.
இரண்டாம் கட்டமாக மூன்று வழித்தடங்கள் தேர்வு செய்யப்பட்டு பணிகள் துரிதமாக நடந்து வருகின்றன. இரண்டாம் கட்டத்தில் மாதவரம் – சிறுசேரி, மாதவரம் – சோழிங்கநல்லூர், பூந்தமல்லி – கலங்கரைவிளக்கம் என மூன்று வழித்தடங்கள் நிறைவடைந்தபின் இதனை நிர்வகிப்பதற்கான ஒப்பந்தத்தை சென்னை மெட்ரோ ரயில், டெல்லி மெட்ரோ ரயில் நிர்வாகத்திற்கு வழங்கியிருப்பதாக சமீபத்தில் செய்தி வெளியாகியிருந்தது.
